दक्षिण कोरियामा नयाँ बर्ष सलनालको बिदा शुरु भएसंगै लाखौं कोरियालीहरू आफ्ना परिवारहरूसँग भेला हुन र आफ्ना पुर्खाहरूलाई श्रद्धाञ्जली दिन लामो सप्ताहन्तको एक दिन अगाडि शुक्रबार आफ्ना गृहनगरहरूमा वार्षिक यात्रा शुरु गरेका छन l

लुनार नयाँ वर्षको दिन यस वर्ष आइतवार परेको छ भने सोमबार र मंगलबार सार्वजनिक बिदाहरू छन l चार दिन लामो बिदा तथा कोभिड-१९ सम्बन्धि नियमहरु खुकुलो भएको कारण यसपटक सडकमा अत्यधिक भिडभाड हुने अनुमान गरिएको छ l
भूमि, पूर्वाधार तथा यातायात मन्त्रालयले शुक्रबारदेखि अर्को मङ्गलबारसम्म पाँच दिनको अवधिलाई विशेष ट्राफिक प्रतिरोधी उपायहरू आवश्यक पर्ने गरी तोकेको र ट्राफिक अवस्था सुधार गर्न सम्बन्धित निकायसँग सहकार्य गर्ने जनाएको छ।

पाँच दिनको अवधिमा प्रत्येक दिन ५३ लाख आवतजावत हुने गरी बिदाको अवधिमा कुल २६.४८ मिलियन मानिस सडकमा आउने प्रक्षेपण मन्त्रालयले गरेको छ । गत वर्षको तुलनामा २० प्रतिशतले सवारी चाप बढ्ने मन्त्रालयले जनाएको छ ।

घरपरिवारले पितृ संस्कार गर्ने अघिल्लो दिन शनिबार बिहान ट्राफिक जाम उत्कर्षमा पुग्ने सम्भावना छ । सरकारी प्रक्षेपणअनुसार त्यस दिन चालकलाई राजधानी वाट थेजन पुग्न पाँच घण्टा, बुसान जान आठ घण्टा ४० मिनेट, ग्वाङ्जुका लागि सात घन्टा ४० मिनेट लाग्ने छ l

कोरिया एक्सप्रेसवे कर्पोरेशन द्वारा सञ्चालित राजमार्गहरू र इन्छन अन्तर्राष्ट्रिय विमानस्थल एक्सप्रेस वे सहित २१ निजी स्वामित्वमा रहेका सडकहरूका लागि शनिबारदेखि मंगलबारसम्म सरकारले राजमार्गको टोल छूट गर्नेछ।

रेल स्टेशनहरू, एक्सप्रेस बस टर्मिनलहरू र घरेलु एयरपोर्टहरू गृहनगरतर्फ जाने मानिसहरूले अत्यधिक चाँप हुने अपेक्षा गरिएको छ l सरकारले अतिरिक्त रेल, बस तथा र यात्रु जहाजहरू थप्ने निर्णय समेत गरेको छ l

देशभरका एक्सप्रेस बसहरू छुट्टीको अवधिको प्रत्येक दिनमा ६सय १२ गुणा बढी चल्नेछन्, र रेलहरू १३० गुणा बढी चल्नेछन् । लामो सप्ताहन्तमा आन्तरिक उडानको कुल संख्या २ हजार ६ सय १० बाट बढाएर २ हजार ७ सय ११ पुर्याइने छ ।