कोरियाको खाङ्वनदो क्षेत्रमा भिषण आगलागी , केहि मानिस हताहत सयौं घर जलेर नष्ट

2643

कोरियाको खाङ्वन प्रान्तमा भिषण आगलागी भएको छ l बिहिबार साँझ  ७ बजे देखि शुरु भएको उक्त आगलागीमा परि १ जनाको मृत्यु भएको छ भने ११ जना घाइते भएका छन् l खाङ्वन अग्नि नियन्त्रकका अनुसार गोसेओङ् क्षेत्रको बाटोको छेउ बाट शुरु भएको उक्त आगलागी नजिकैको पहाडमा फैलिएको थियो l
२सय ५० हेक्टर जमिनमा फैलिएको भिषण आगलागीमा परि सयौं घर जलेर नष्ट भएका छन् भने ४ हजार मानिस घरबार बिहिन भएका छन् l

त्यस्तै आगो नियन्त्रणको निमित्त राष्ट्रिय अग्नि नियन्त्रण विभागले सियोल , इन्छन ,थेजन ,ख्यान्गीदो क्षेत्रका सम्पूर्ण अग्नि नियन्त्रकहरु प्रयोग गरिएको बताएको छ l शुक्रबार बिहान सम्म देशका ३ हजार २ सय ५०  वटा अग्नि नियन्त्रक हरुले आगो निभाउने प्रयास गरेका थिए l आगो नियन्त्रण भन्दा बाहिर जान थालेपछि  बुसान तथा उल्सान क्षेत्रबाट समेत बरुण यन्त्र हरु मगाइएको थियो l ५२ वटा हेलिकप्टर तथा १० हजार भन्दा धेरै मानिसको आगो निभाउने संयुक्त प्रयास पछी शुक्रवार  सम्म आगो नियन्त्रणमा आएको बताइएको छ l


त्यस्तै सरकाले खाङ्वनदो  क्षेत्रमा राष्ट्रिय दैबी प्रकोप घोषणा गर्दै शुक्रवार सम्पूर्ण बिधालय तथा सरकारी कार्यालयहरु बन्द गरेको छ l आगलागीबाट घरबार बिहिन भएकाहरु हाल बिभिन्न शेल्टर हरुमा आश्रय लिएर बसिरहेका छन् l

गत मंगलावार मात्र बुसान क्षेत्रमा भएको भिषण आगलागी १२ सय अग्नि नियन्त्रकको संयुक्त प्रयास पछी ३० घन्टामा नियन्त्रणमा आएको थियो l
योंघाप