कोरियामा सुतेकै अबस्थामा एक नेपालीको मृत्यू

2596

दक्षिण कोरियामा सुतेकै अबस्थामा अर्का एक  नेपालीको मृत्यू भएको छ । विगत ८ वर्षदेखी फाजुको फर्निचर कम्पनीमा काम गर्दै आएका जीवन भनिने ठाकुर तामाङको मंगलबार राति सुतेकै अबस्थामा मृत्यू भएको हो ।

‘सोमबार काम गरेर सुतेको रहेछन् । सबै राम्रो थियो रे । स्वस्थ्यमा पनि कुनै समस्या थिएन रे ।’ नेपाल तामाङ संघ दक्षिण कोरियाका बरिष्ठ उपाध्यक्ष रबि लामाले भने । ‘हामी गएर कम्पनीमा साथीभाइसँग बुझ्दा सामान्य अबस्थामै सुतेको भने । बुधबार काममा जान नउठे पछि हेर्दा मृत्यू भएको रहेछ ।’

उनले थपे । अहिले उनकाे पार्थिव शरीरलाई स्थानिय अस्पतालमा राखिएको छ । हृ्रदयघातकै कारण मृत्यू भएको भन्ने प्रारम्भिक अनुभान गरेको नेपाल तामाङ संघका अध्यक्ष मेघप्रसाद वाईवाले भने । बिहीबार पोष्टमार्टम हुनेछ । त्यसैबाट मात्र के कारणले मृत्यू भयो भन्ने बृस्तित बिबरण आउने अस्पतालले जनाएको छ । नेपालमा घर धादिङ भएका मृतक तामाङको परिवारलाई खबर गरिएको पनि संघका अध्यक्ष वाईवाले भने । ‘नेपालमा परिवारलाई जानकारी गराएको छ । उहाँहरुले पार्थिव शरीरलाई नेपाल नै पठाई दिन आग्रह गरेका छन् । हामीले नेपाली दुताबासमा खबर गरेका छौ ।

आउने सोमबार, मंगलबार भित्र सम्म काम होला कि ?’ मृतकका बारेमा बुझ्न बुधबार गैह्र आवसीय नेपाल संघ एनआरएनए दक्षिण कोरियाकी अध्यक्ष लक्ष्मी गुरुङ, नेपाल तामाङ संघका वरिष्ठ सल्लाहकार टिकाराम मोक्तान, नेपाल अदिबासी जनजाति महासंघका कार्यबाहक अध्यक्ष मल्लिका थकाली, नेपाल तामाङ संघबाट अध्यक्ष मेघप्रसाद वाईवा र बरिष्ठ उपाध्यक्ष रबि लामा, वुमन फर वुमनका अध्यक्ष पदमा श्रेष्ठ र कोषाध्यक्ष पार्वती मोक्तानले अस्पताल गएका थिए । फोनिज कोरिया डट नेट

प्रतिक्रियाहरू