फेन्थेकमा इपिएस तथा स्वास्थ्य परामर्श, स्टार रेमिटको एप दर्ता तथा E9 लोन परामर्श सेवा पनि

213

दक्षिण कोरिया स्थित नेपाली राजदुताबासको आयोजना तथा फेन्थेक माइग्रेन्ट नेपाली समितिको संयोजनमा श्रम परामर्श, स्वच्छिक घरफिर्ती, स्वास्थ्य परामर्श एवम समसामायिक बिषयमा अन्तर्क्रिया कार्यक्रम गरिने भएको छ । आउदो आइतवार मार्च १७ तारिक आयोजना हुने कार्यक्रममा नेपाली दुतावासका श्रम कन्सुलर डिल्लीराम बास्तोलाले श्रमिकका समस्या समाधान एवंम हक अधिकार सम्वन्धी कानुनी परामर्श दिनु हुनेछ ।

त्यस्तै कोरियामा नेपालीहरुमा देखिएको स्वास्थ्य समस्याका बारेमा हाल सउल नेशनल हस्पिटलमा रिसर्च गरिरहनुभएका पाटन अस्पतालका वरिष्ठ हाडजोर्नी डाक्टर गजेन्द्र मनी शाहद्धारा स्वास्थ्य परामर्श सेवा दिइनेछ ।

-- Ad --


आइतवार दिउसो १ बजे देखि ३ बजे सम्म हुने कार्यक्रममा कोरियामा रहेका नेपालीहरुलाई उपस्थित भएर आफ्ना श्रम तथा स्वास्थ्य सम्वन्धी जिज्ञासा राख्न फेन्थेक माईग्रेन्ट सेन्टरका अध्यक्ष लक्ष्मण पौडेलले आग्रह गर्नुभएको छ । सेन्टरले कार्यक्रममा चियापानको ब्यवस्था समेत गरेको छ ।

फेन्थेकमा स्टार रेमिटको एप दर्ता तथा E9 लोन सम्वन्धी परामर्श
कोरियामा रहेका नेपालीहरुले नै शुरु गरेको स्टार रेमिटले फेन्थेकमा एप दर्ता तथा E9 लोन परामर्श सेवा दिने भएको छ । फेन्थेक स्थित माउन्टेन रेष्टुरेण्टमा रहने स्टार रेमिटको स्टलबाट नेपालीहरुले एपदर्ता, E9 लोन सेवा, ३० हजार बराबरको निशुल्क सिमकार्ड सेवा पाउनेछन् । रेमिटले अहिले पहिलो रेमिटेन्स बापत ५ हजार वन निशुल्क गरेको छ । पासपोर्टबाट मात्रै पनि सजिलै दर्ता गर्न सकिने यस रेमिट मार्फत नेपालको जुनसकै बैक र नेपालको कुनै पनि स्थानबाट नगद भुक्तानी लिन सकिन्छ । सम्पर्कको लागि ०१० ४४९१ १९०१