राप्ती समाज कोरियाले महान चाँड छुसकमा बृहत सांगितिक सौगात भाग ३को आयोजना गर्ने

1730

राप्ती समाज दक्षिण कोररियाले कोरियाली महान चाड छुसकमा “राप्ती बृहत सांगीतिक सौगात भाग ३को आयोजना गर्ने भएको छ । विशुध्द सामाजिक सेवामा समर्पित राप्ती समाजले अक्षयकोष सहयोगार्थ सेप्टेम्बर २३ तारिख सांगितिक कार्यक्रमको आयोजना गर्ने भएको हो ।

दोङदेमुन स्थित सुबेच्छा रेष्टुरेन्टको हलमा आइतबार राप्ती समाजका अध्यक्ष गोपाल बोहराको अध्यक्षता बसेको बैठकमा कलाकार छनौट, आर्थिक व्यवस्थापन, कार्यक्रम संचालक समिति र कार्यविभाजन बारे छलफल भएको समाजका सचिब ओमलाल ओलिले जानकारी दिनु भएको छ । कार्यक्रमलाई भव्य र ऐतिहासिक पार्न नेपालबाट कस्ता कलाकार ल्याउने विषय छलफल भइरहेको पनि ओलीले बताउनु भएको छ । नेपालीलाई फरक सांगितिक स्वाद दिने तर्फ आयोजकको तयारी भएकोले सांगितिक सौगात चर्चित हास्य, डान्सर, गायक गायिका लगायतलाई ल्याउन सकिने उहाँले बताउनु भयो ।

-- Ad --


कार्यक्रम संयोजक राप्ती समाजका संस्थापक शुक थापा, उप–संयोजक प्रकाश ओली,विर कुमार ओली,खगेन्द्र बुढामगर, जीत शाह सहित द्दघ जनाको समिति पनि गठन भएको । यसैबीच कोरियाको बसाइँ अवधि सकेर नेपाल फर्कन लाग्नु भएका सल्लाहकार सदस्य लाल बहादुर महरा, कथा कोरिया चलचित्रका लेखन तथा निर्देशन कमल ओली र कथा कोरियाकै नायक शुशिल गौतमलाई बिदाइ तथा सम्मान गरिएको छ ।