सन् २०१९ लागि नेपाललाई १० हजार २ सय इपिएस कोटा

इमान्दार र मिहेनतीका कारण कोटा बढ्यो

2
6605

कोरियामा नेपाली कामदार भित्रिने रोजगार प्रणाली (इपिएस)को कोटा आगामी वर्ष सन् २०१९ को लागि १० हजार २ सय तोकिएको छ ।

मंगलबार सोलस्थित दूतावासमा आयोजित ११ औं गणतन्त्र दिवसको शुभकामना आदनप्रदान कार्यक्रममा राजदूत अर्जुन जंगबहादुर सिंहले जानकारी दिएका हुन्। राजदूत सिंहले कोरियन सरकारले अघिल्लो वर्षभन्दा यसपालि नेपालको लागि इपिएस कोटा बढाएको बताए।

-- Ad --


यसैवर्ष नेपाल र कोरियाबीच इपिएस प्रणालीको पुन सम्झौता गरिने पनि उनको भनाइ थियो। सन् २००७ बाट सुरु भएको इपिएस प्रणालीबारे हरेक दुई वर्षमा पुन सम्झौता गरिँदै आएको छ। इपिएस प्रणालीमार्फत कोरियामा रहेका १५ देशका कामदारहरुमध्ये नेपाली इमान्दार र मिहेनती भएकाले नै कोटा बढाएको राजदूत सिंहले स्पष्ट पारे। कोरियामा हाल कानुनी र गैरकानुनी गरी करिब ३५ हजार नेपाली कामदार रहेको अनुमान छ।

कार्यक्रममा गणतन्त्र देश कोरियामा रहेका नेपालीहरुले एकअर्कामा सद्भाव र सहकार्य गर्दै नेपालको अबको आर्थिक विकासमा टेवा पुर्‍याउन सके गणतन्त्र दिवसको सान्दर्भिकता हुने धारणा वक्ताहरुले राखे।

कार्यक्रममा कोरियाका लागि पर्यटन प्रतिनिधि तथा एनआरएन कोरियाका संरक्षक केपी सिटौला, एनआरएन एसिया प्यासिपिक महिला संयोजक जुनु गुरुङ, एनआरएन कोरियाका अध्यक्ष लक्ष्मी लामा गुरुङ, एनसीसीकी अध्यक्ष अञ्जु केसीलगायत उपस्थित थिए।

2 प्रतिक्रियाहरू

  1. Epsle illegal pharkaune karyakram lyauda kohi pharkidiyenan ma 1 jana pharkera dekhaye.ahile epsle jati bhanda pani kehi jawaaph pharkaudaina bhanxa.aruharule jasto atteri bhayera napharki baseko xainani.yesbare pani ekchoti dimaag lagaunuhola.pharkanu aghi epsma phone garda hamile koreapakxalai garne request khera jadaina bhaneko thiyo.ma peedit xu.It is not the simple matter.chitta ekdam dukheko xa.

प्रतिक्रिया दिनुहोस

Please enter your comment!
Please enter your name here