कोरियाको इछनमा एक निर्माणस्थलमा आगलगी हुदा बिदेशी कामदार सहित ३८ जनाको मृत्यु ,१० घाइते

दक्षिण कोरियाको  इछन शहरमा  रहेको एक निर्माणस्थलमा  आगलागी हुदा ३८जना कामदारको   मृत्यु भएको छ l बुधबार दिउसो भएको उक्त आगलागीमा परि १० जना घाइते भएको  अग्नि नियन्त्रण विभागलाइ उदृत गर्दै कोरिया टाइम्सले जनाएको छ l

उक्त आगलागी बाट हताहत हुनेमा बिदेशी कामदार समेत भएपनि  कुन देशका कति जना भन्ने खुलाइएको छैनl

अन्डरग्राउन्डमा विधुतीय काम भैरहेको अबस्थामा एक्कासी आगो लागेको  हुनसक्ने अनुमान गरिएको छ l यद्यपी आगालगीको मुख्य कारण भने खुलेको छैन l ३३५ वटा अग्नि नियन्त्रकले   ५ घन्टामा आगो नियन्त्रणमा लिएका थिए  l

आगलागीबाट ठुलो मानवीय क्षति भएपछी रास्ट्रपति मुन जे इनले आपतकालीन बैठक राखी तत्काल राहत र उद्वारको लागी सम्बन्धित मन्त्रालयलाई निदेशन दिएका छन् l आगलागीबाट घाइते तथा मृत्यु भएका बिदेशी कामदारका परिवार संग सम्पर्क गर्न पनि निदेशन गरेका  छन् l