कोरियाबाट भिसा सकिएका नेपालीले स्वदेश फर्किन पाउनु पर्ने माग राख्दै दुतावास अगाडी दिए धर्ना

1815

दक्षिण कोरियामा भिसा अबधि समाप्त भै स्वदेश फर्किन नपाएका नेपालीले सियोल स्थित नेपाली दुतावासमा धर्ना दिएका छन् l
आइतबार दूतावास पुगेर उनीहरुले  कार्यबाहक राजदूत रामसिंह थापा तथा  श्रम श्रम कन्सुलर  डिल्लीराम बास्तोलालाई भेटि बिसेष ध्यनाकर्षण गराएका हुन्  ।   अलपत्र  परेमध्येका सुवास ढकालको नेतृत्वमा गएको टोलीले आफूहरुको भिसा सकिएको भन्दै तत्काल नेपाल जान पाउँ भनि आफ्ना माग राखेका थिए । राजदूत थापाले नेपाल सरकारले कुनै निर्णय नगरी अहिले पहल गर्न नसक्ने बताएका थिए ।  ढकालका अनुसार उनीहरुले १ घन्टा धर्नासहित तत्काल नेपाल जान पाउँ भनेर माग राखेका थिए ।
दूतावसले भने  सरकारले कुनै निर्णय नगरि कुनै सहयोग नहुने भन्दै फर्काएपछि उनीहरुमा झनै चिन्ता बढेको छ । ,ढकालले भने  ‘हामी जि टू जि प्रक्रियाबाट आएको भन्दै सरकारले  कुनै औपचारिक निर्णय नगरि नेपाल फर्कन पहन नगर्ने राजदूतले भन्नुभयो । उहाँले राष्ट्रमा संकट परेको बेलामा संयमित हुनुपर्ने र धैर्य गर्नुपर्ने भन्दै फर्काउनुभयो ।’ साथै, खान बस्नका लागि समस्या भएमा एनआरएनएलाई सम्पर्क गर्नका लागि कार्यबाहक राजदूत थापाले भनेको उनले बताए । ‘भिसा सकिनेहरुको पहिलो चरणमा ५० दिन थपेको थियो । त्यसपछि ५ दिन थपेको छ ।’ उनले भने, ‘यो थपेको समय सकिएपछि इमिग्रेसनले शरणार्थी भिसा १ महिनालाई दिएको छ । हामी भिसा थप्न जाँदा ‘तेरो देश छैन, कति भिसा थप्न आएको भन्दै कर्मचारीले नै हप्काउँछन् ।’ उनले जसरी पनि नेपाल सरकारले आफूहरुको उृद्दार गर्न माग गरेका छन् । आफूहरुले पठाएको रेमिटेन्सको आधारमा देश चल्ने बताउँदै उनीहरुले आफूनै मातृभूमिमा आउनका लागि सरकारले कुनै पहल नगरेकोप्रति रोष प्रकट गरेका छन् ।
चार वर्ष १० महिनाको भिसा अवधि सकिएपछि वैधानिक रुपमा काम गर्ने अनुमति नहुँदा समस्यामा परेको उनीहरुको तर्क छ । खान बस्न अहिले नेपाली ५० हजार खर्च हुने उनीहरुको गुनासो छ । कोरिया सरकारले वैधानिक रुपमा बसेका विदेशीले पनि अनिवार्य रुपमा नेपाली १२ हजार इन्स्योरेन्स तिर्नपर्ने भएकाले झनै समस्या परेकाले आफूहरुको उद्दार गर्न  माग गरेका छन् ।
भिसा सकेर विदेशी भूमिमा अलपत्र आफूहरुजस्तै सबैको उद्दार गर्न उनीहरुको अपिल छ । उद्दारमा लाग्ने सबै खर्च, नेपाल आएर क्वारेन्टाइनमा लाग्ने खर्च लगायतको खर्च आफैंले गरेर भएपनि नेपाली भूमिमा फर्काइदिन पहल गर्नका लागि उनीहरुले अनुरोध गरेका छन् ।  कोरियामा आफूहरुले कमाएको पैसा नेपालमै खर्च गर्न पाउँदा राम्रो हुने भन्दै उनीहरुले सरकारसमक्ष कोरियामा अलपत्र परेका नेपालीहरु ल्याउनका लागि अनुमति मिलाइदिनपर्ने माग अलपत्र परेका नेपालीहरुले राखेका छन् । सबै देशले महामारीको बेलामा आफ्नो देशको नागरिक लगिरहेको भन्दै नेपालले पनि आफूहरुको उद्दारका लागि पहल गर्नुपर्ने उनीहरुको भनाई छ ।  सरकारले कोरियामा नै कोरोना भाइरसको परीक्षण गरेर अनुमति दिएपनि हुने बताएका छन् ।
समाचार दैनिक बाट

प्रतिक्रियाहरू