कोरियामा उच्च हिमापत संगै तापक्रम घटेर माइनस २३ डिग्री सम्म पुग्यो

2088

दक्षिण कोरियामा बुधबार साझ देखि अत्यधिक हिमपात भएको छ l उच्च हिमपात संगै तापक्रम घटेर माइनस २३ डिग्री सम्म पुगेको कोरिया मौसम प्रशासनले जनाएको छ l बिहिबार बिहान राजधानी सिओलको तापक्रम माइनस १६ डिग्री मापन गरिएको छ  भने खाङ्वन्दो प्रान्तका बिभिन्न स्थानहरुमा माइनस २३ डिग्री सम्म मापन गरिएको छ  l

राजधानी तथा आसपासमा बुधबार साझ ३.८ सेन्टिमिटर सम्म हिमपात भएको छ भने अन्य बिभिन्न स्थानहरुमा हिमपात संगै   चिसो हावाका कारण   माइनस २५ डिग्री बराबरको चिसो  अनुभब गरिएको छ l

राजधानी सियोल तथा आसपासका क्षेत्रमा ३ बर्ष पश्चात पहिलो पटक कोल्ड वेव वार्निंगले असर देखाउन थालेको मौसम विभागले जनाएको छ l यस भन्दा पहिला सन् २०१८ को जनवरी २३ मा उक्त सचेतना देखाएको थियो l त्यसैगरी जेजुका उच्च पहाडी क्षेत्रमा पनि पहिलो पटक कोल्ड वेव वार्निंगले असर देखाएको छ l

उच्च हिमपातका कारण केहि सबारी साधनको लामो जाम लागेको छ भने केहि  सवारी  दुर्घटना समेत भएका  छन् l
कोरिया मौसम विभागका अनुसार साइबेरिया बाट आएको चिसो हावाका कारण आगामी मंगलबार सम्म तापक्रम अत्यधिक चिसो रहनेछ भने बुधबार देखि क्रमस सुधार आउने छ l

प्रतिक्रियाहरू