G Money Transfer Nepal Tour Company Ltd. NIK Nepal Travel Subhechha Mart and Restaurant SBI COSMONEY

कोरियाबाट फर्केका चितवनका युवाको सामुहिक प्रयासमा बंगुर फार्म

रोजगारीका सिलसिलामा विदेश जानेहरूले पसिनाको मूल्य त्यहाँ पुगेर काम गर्न थालेपछि मात्र थाहा पाउँदारहेछन् । विदेशमा दुःख गरेर कमाएको रकम स्वदेशमा उत्पादनमूलक काममा प्रयोग गर्नेहरू थोरै छन् । तिनै कममध्ये पर्छन् चितवनका आठ जना जोशिला र आँटिला युवा । उनीहरूले कोरियामा पाँच वर्षभन्दा बढी समय कारखानामा श्रम खर्चेर फर्केपछि अहिले स्वदेशमै केही गर्ने आँट गरेका छन् । चितवनको भरतपुर नगरपालिकाको विभिन्न वडामा बस्ने आठ जना युवाले नवलपरासीको गैँडाकोट नगरपालिका वडा नम्बर सात गैरीमा बंगुर फार्म सञ्चालन सुरु गरेका हुन् ।

विदेशको कमाइ स्वदेशी भूमिमा लगानी गर्दै आफ्नो पसिना आफ्नै देशका लागि खर्चने उद्देश्य बोकेका यी युवा सामूहिक प्रयासले सफलता पाउने आशा लिएका छन् । गैँडाकोटको गैरीमा नारायणी लाइभस्टक फार्म खोलेर बंगुर पालेका आठ जना युवाले कोरियामै रहेका र कोरियाबाट नेपाल फर्केका अन्य ३२ जनालाई समेटेर फार्म सञ्चालन गरेका हुन् । ४० जनाले सुरुमा २० लाख रुपैयाँ जुटाएर ४० वटा बंगुर पाल्न सुरु गरेको फार्ममा अहिले तीन सय वटा बंगुर छन् । तीन सयमध्ये बच्चा र मझौला बंगुर दुई सय र ठूला र माउ बंगुर सय वटा छन् । दुई दिनको बच्चादेखि तीन वर्षसम्मका बंगुर छन् फार्ममा । सबैभन्दा ठूलो बंगुर एउटै एक सय ५० किलोको छ । सामूहिक लगानी एक करोड रुपैयाँ पुगेको छ ।रतपुर महानगरपालिकाको विभिन्न वडामा बसोबास गर्ने डम्बरबहादुर राना, दुर्गाप्रसाद सापकोटा, गगनकेशरी अधिकारी, राजीव गुरुङ, युवराज श्रेष्ठ, जगत गुरुङ, इन्द्रप्रसाद न्यौपाने र लालबहादुर श्रेष्ठ हरेक दिन फार्ममा खटिन्छन् । रातको समयमा रेखदेख गर्न चार जना आवासीय कर्मचारी राखेका छन् । एक जना प्रबन्धकले दानाको जोहो र औषधोपचारको व्यवस्था मिलाउँछन् । पाठापाठी हुर्काउन ब्लकले घेरेका साना २० वटा कोठा बनाइएको छ । सुत्केरी बंगुर राख्ने १० वटा कोठा छन् । चार वटा भाले रहेको फार्ममा भाले लगाउने एउटा छुट्टै कोठा छ ।

वार्षिक २४ हजार रुपैयाँ भाडा तिर्ने गरी १० वर्षका लागि भाडामा लिइएको ६ कठ्ठा जमिनलाई तारबार र टिनले घेरेर फार्म बनाइएको छ । बंगुर पाल्न निर्माण गरिएको फार्ममा परम्परागत खोर नभई जीआई पाइप प्रयोग गरेर ७० वटा आधुनिक केज बनाइएको छ । केजमा पानीको पाइप जडान गरिएको छ, जसबाट निरन्तर पानी स्वचालित रूपमा उपलब्ध हुन्छ । बंगुरले पानीको पाइपमा जोडिएको प्वाइन्टमा मुख लगेपछि पानी आफैँ आउँछ । दानाका लागि भने केजको अगाडिको भागमा डुँड बनाइएको छ ।

आधुनिक फार्म मात्र नभई बधशाला, मासु बिक्री केन्द्र र बंगुरको मात्र परिकार पाइने रेष्टुराँ सञ्चालनसम्मको योजना बुनेका छन् उनीहरूले । लगानी बढाएर तीन करोडसम्म पुर्‍याइने उनीहरू बताउँछन् । कोरियाबाट नेपाल फर्केका र कोरियामा अहिले पनि काम गरिरहेका गरी ४० जनाको चितवन कोरिया पुनर्मिलन समाज गठन गरेर बंगुरको गोठदेखि मासुका परिकार ग्राहकको ओठसम्म पुर्‍याउन चितौने युवा कम्मर कसेर लागेका छन् । ‘एक्लै काम गर्नुभन्दा सामूहिक रूपमा काम गर्दा प्रभावकारी हुने र आर्थिक भार पनि कम पर्ने भएकाले फार्म खोलेर बंगुर पाल्न सुरु गरेका हौं', समाजका अध्यक्ष डम्बरबहादुर रानाले भने, ‘अब बधशाला, मासु बिक्री केन्द्र र बंगुरको मासुका परिकार मात्र पाइने रेस्टुरेन्ट सञ्चालन गर्ने लक्ष्य लिएका छौँ ।' यसपालिको दसैँसम्ममा बधशाला र मासु बिक्री केन्द्र सञ्चालनमा ल्याइने उनले बताए । यसवर्षको चैतसम्ममा रेष्टुराँ पनि सञ्चालनमा ल्याउने गरी काम गरिरहेको उनको भनाइ छ ।

जमघटमा जुर्‍यो जुक्ति

कोरियाबाट फर्केका चितवनका युवा १८ महिनाअघि पटिहानीको सीतामाईमा वनभोज खान पुगे । त्यही जमघटमा बंगुरपालन फार्मदेखि रेस्टुरेन्ट सञ्चालनसम्मको नवीन काम गर्ने जुक्ति जुरेको बताउँछन् समितिका उपाध्यक्ष दुर्गाप्रसाद सापकोटा । ‘कोरियामा बस्दा एकअर्काबीच चिनजान भयो । कोरियामा साथीहरूबीच हुने जमघटमा स्वदेश फर्केपछि केही नौलो काम गर्ने सल्लाह गरेका थियौँ', विगत सम्झँदै सापकोटाले भने, ‘पिकनिकमा जम्मा भएका साथीहरूबीच सामूहिक रूपमा केही गरौँ भन्ने सल्लाह भएपछि बंगुर फार्म खोल्ने, क्रमशः बधशाला, मासु बिक्री केन्द्र र रेस्टुरेन्ट सञ्चालन गर्ने निष्कर्षमा पुग्यौँ ।'

आफूहरूले सरकारबाट पाइने अनुदानमा काम सुरु नगरेको र कतैबाट केही सहयोग नपाए पनि लगानी थप्ने बताउँदै सापकोटाले गोठदेखि ग्राहकको ओठसम्म स्वस्थ्यकर मासुका परिकार पुर्‍याउने लक्ष्यमा पुगेरै छाड्ने अडान व्यक्त गरे । यसबीचमा सरकारी वा गैरसरकारी क्षेत्रबाट आफूहरूलाई कुनै सहयोग प्राप्त भएमा त्यसलाई पनि स्वीकार गरिने उनले प्रस्ट पारे ।

समाजका कोषाध्यक्ष युवराज श्रेष्ठले कोरियाबाट फर्केका आठ जनाले ५० प्रतिशत र कोरियामा रहेका तथा कोरियाबाट नेपालमा फर्केका अन्य ३२ जनासहित ४० जनाको समूहले पचास प्रतिशत लगानी गरिरहेको र प्रतिफल पनि लगानीको अनुपातमा बाँडिने जानकारी दिए । उनका अनुसार, फार्मभित्र केजसहितको ब्लक निर्माणमा २५ लाख रुपैयाँ लगानी भएको छ । दानामा मासिक चार लाख रुपैयाँ खर्च हुने गरेको छ ।

फार्ममा दैनिक ठूला बंगुरले दुई किलो, सुत्केरी बंगुरले तीन किलो र हुर्कंदै गरेका बंगुरले एकदेखि दुई किलो दाना खान्छन् । समाजका सचिव गगनकेशरी अधिकारीले फार्ममा नै दाना तयार गरी बंगुरलाई खुवाउने गरेको जानकारी दिए । ‘मकैको पिठो, ढुटो, चोकर, नुन, भिटामिन र मिनरल मिसाएर दाना तयार पार्छौं' उनले भने, ‘फार्ममा रहेका बंगुरलाई बिहान र बेलुका गरी दुईपटक दाना खुवाइन्छ ।'

यसरी हुर्काइन्छ पाठापाठी

फार्ममा मासुका लागि पालिने ड्युरो, योर्कसायर, हेम्सायर र ल्यान्ड्रेस जातका बंगुर पालिएको छ । फार्ममा जन्मेका पाठापाठी ३५ देखि ४० दिनसम्म माउसँगै राखिन्छ । त्यसपछि माउबाट छुटाएर पाठापाठी राख्ने कोठामा दाना खुवाएर हुर्काइन्छ । बच्चा जन्मेको तीन दिनभित्र दाँत काट्ने तथा भिटामिन र आइरनको सुई दिने काम हुन्छ । १० देखि १५ दिनभित्र नपुंसक बनाउने र तीन महिनाको पुगेपछि लुतो र जुकाविरुद्ध सुई दिइन्छ । ६ महिना कटेपछि स्वाइन फिभर (ज्वरो) र खोरेतको सुई पहिलो डोज लगाएपछि प्रत्येक वर्ष निरन्तर दिनुपर्छ । अरुबेला रोग अनुसारको औषधि र उपचार गरिन्छ । प्रत्येक महिना पशु चिकित्सकलाई फार्ममा बोलाएर बंगुरको स्वास्थ्यबारे निरीक्षण गराउने गरेको समितिका सदस्य लालबहादुर श्रेष्ठ बताउँछन् ।

समाजका सहसचिव राजीव गुरुङका अनुसार, फार्ममा लगानी गरेका ४० जनामध्ये चार जनाले कोरियामा रहँदा बंगुर फार्ममै काम गरेका थिए । अन्यले भने विभिन्न कारखानामा दुःखपूर्ण काम गरेका थिए । कोरियामा रहँदा आफूहरू सबै चितवन सम्पर्क समितिमा आबद्ध रहेको बताउँछन् । यो समितिले भूकम्पका बेला चितवनका भूकम्पपीडित २२ घरपरिवारलाई जस्तापाता बाँडेको थियो । समितिले चितवनका विभिन्न सामुदायिक विद्यालयमा अध्ययनरत गरिब तथा जेहेन्दार २३ जना विद्यार्थीलाई छात्रवृत्ति उपलब्ध गराउँदै आएको छ ।अन्नपूर्ण पोष्ट
प्रकाशित मिति : २०७४ असार २६ (July 10, 2017)
Advertise with us

प्रमुख समाचारका थप शिर्षकहरु

• कोरियामा कृषि क्षेत्रमा कार्यरत एक नेपालीको दुर्घटनामा मृत्यु

• कोरियामा न्यूनतम् ज्याला वृद्धि गर्न माग

• Update News: काेरियामा दुई दिनकाे अवधिमा ३ नेपालीको दुखद निधन

• बुद्ध प्रतिमा स्थापनामा महत्वपुर्ण सहयोग गरेको भन्दै अभियानद्धारा सम्पुर्ण सहयोगीलाई विशेष धन्यवाद प्रकट, आज विशेष पुजा

• ऐतिहासिक खुसियालीमा कोरियामा रहेका नेपालीले गरे दिपप्रज्वलन

• उत्तर कोरियाले माग्यो प्रति संचारकर्मी १० हजार डलर

• कोरियामा भव्य समारोहकाबीच नेपालबाट ल्याईएको बुद्ध प्रतिमाको अनावरण, बुद्धको जन्मस्थलको भ्रम चिर्न कोसेढुंगा

• एपिवानका पत्रकार एवं कवि कोरियामा सम्मानित

• कोरियामा बुद्ध प्रतिमा प्रतिस्थापनको भब्य तयारी, सहभागि हुन संयोजक र दूतावासको अपिल(बसको लोकेशन सहित)

• कोरिया पठाउछु भन्ने २ जना खोरमा पुगे

• कोरियामा नेपाली बुद्धको प्रतिमा अनावरण कार्यक्रम ऐतिहासिक हुदै, उपस्थित हुन सम्पुर्ण नेपालीमा दुतावास र अभियानको अपिल

• पहिलो पल्ट कोरियामा ल्याइएको बुद्धको मुर्तीलाई आइतबार विशेष समारोहबीच प्रतिस्थापन गरिदै, सहभागी हुन अपिल

• इपिएस कामदारको लगानीमा निर्माणधिन मिल्ती हाइड्रो डेढ वर्ष मै सम्पन्न हुने, ईक्विटी शेयर पनि खुल्ला

• दई कोरियाबीचको उच्चस्तरीय वार्ता रद्द

• दुइ कोरिया बिचको सम्बन्धले स्थाइत्व पाउने सम्भावना , बुधबार शिखर बार्ता हुदै

• कोरियामा रेमिट कम्पनी बढेपनि हुण्डी कारोबार रोकिएन, विस्वास पर्दा केहि संस्थाका मुख्यबाट नेपाली ठगिए

• बुद्ध जयन्तीको अवसरमा कोरियामा शान्ति दिप महोत्सव, नेपालबाट ल्याइएको बुद्ध प्रतिमालाई नगर परिक्रमा

• पछिल्लो पुस्ताका चर्चित युवा गायक नितेशका साथ दोङदेमूनमा सउलमाण्डु नाइट, मे २६ तारिख

• बृहत् लोटस लाल्टिन फेस्टीभलमा सहभागी हुन नेपालीको भव्य तयारी, बुद्धको मुर्तीलाई नगर परिक्रमा गराइने

• कोरियामा चौथो राजदूत रनिङ कप फुटबल प्रतियोगिताको तयारी तिब्र, टिम दर्ता मे १७ सम्म(विस्तृत विवरण सहित)

जनमत

चुटकिलाहरु पढेर
पेट मिचि मिचि हाँस्न चाहनुहुन्छ ??
यहाँ क्लिक गर्नुहोस् ।

GLOBAL Mart & DURGA Restaurant Hanpass Remittance GME REMIT Sunrise Bank in Korea FOREIGN STORE Kasam Restaurant Namaste Restaurant
Update News: काेरियामा दुई दिनकाे अवधिमा ३ नेपालीको दुखद निधनकोरियामा कृषि क्षेत्रमा कार्यरत एक नेपालीको दुर्घटनामा मृत्युइपिएस कामदारको लगानीमा निर्माणधिन मिल्ती हाइड्रो डेढ वर्ष मै सम्पन्न हुने, ईक्विटी शेयर पनि खुल्लाकोरियामा रेमिट कम्पनी बढेपनि हुण्डी कारोबार रोकिएन, विस्वास पर्दा केहि संस्थाका मुख्यबाट नेपाली ठगिएकोरियामा बुद्ध प्रतिमा प्रतिस्थापनको भब्य तयारी, सहभागि हुन संयोजक र दूतावासको अपिल(बसको लोकेशन सहित)जिमनीद्धारा अत्याधुनिक र सहज अटो सेन्ड कार्ड सञ्चालनमा, सेवाग्राही थप लाभान्वित हुने विश्वासकोरिया पठाउछु भन्ने २ जना खोरमा पुगेकोरियामा काम छोडेर सेल्टरको खोजिमा रहेका नेपालीलाई खुसिको खबर, म्याग्दी घर
Update News: काेरियामा दुई दिनकाे अवधिमा ३ नेपालीको दुखद निधनबुद्द पुर्णिमाको दिन कोरीयामा एक नेपाली द्वारा झुण्डिएर आत्महत्याकोरियन कम्पनीहरुले भने नेपालमा पढाइ हुने भाषा कक्षा गतिलो भएनकोरियामा कृषि क्षेत्रमा कार्यरत एक नेपालीको दुर्घटनामा मृत्युदक्षिण कोरियाकी पुर्व राष्ट्रपति पार्कलाई २४ वर्षको जेल सजाय, भ्रष्टाचारमा दोषि ठहर कोरियाबाट फर्केका एक युवाले हवाई यात्राको सास्तीका बारे सम्मानिय प्रधानमन्त्रीलाई ध्यानाकर्षण गराउदै लेखे यस्तो पत्रजिएमई प्रयोगकर्तालाई खुसिको खबर, १ महिनाको अवधीमा रेमिट्यान्स गर्ने मध्ये ३ जनालाई झण्डै २१ लाख वोन पुरस्कार दक्षिण कोरियाका राष्ट्रपतिलाई उत्तर कोरियाको भ्रमण निम्तो, दाइ किम भेट्न आतुर रहेको बहिनीको भनाई
Women for Women Help Nepal Network Get Membership of MTU रविन्द्र मिश्रका कविता Sahayog
Face Of The Week
Face of The Week -- Rajendra Singh Mahara Rajendra Singh Mahara
Date of Birth : 16 January, 1993
Address: Anseong si chhuksan myeon chhangeri
Hometown : Mahendranagar,kanchanpur
Occupation : Factory worker
Hobbies : Traking
E-mail : rajendramahara333@gmail.com
Listen BBC Nepali Radio Listen Radio KOREA DARPAN Listen Radio Program Hello Seoul EPS Nepal