दक्षिण कोरियामा उच्च बर्षा : १० जनाको मृत्यु ,हजारौं घरबार बिहिन

447

दक्षिण कोरियामा बिताग ५ दीन देखि परेको भारी वर्षा संगै आएको बाढी पहिरोका कारण कम्तिमा १० जनाको ज्यान गएको छ भने देशभरि हजारौंले आफ्नो घर छडेका छन l केन्द्रीय प्रकोप तथा सुरक्षा मुख्यालका अनुसार हाल सम्म तीन जना बेपत्ता र अन्य सात जना घाइते भएका छन् l
दक्षिणी छुङ्चेओङ प्रान्तको नोन्सानमा शुक्रबार पहिरोले भवन भत्किँदा दुई जनाको मृत्यु भएको छ ।

सेजोङको मध्य शहरमा माटोको ढिस्कोमा परेर एक जनाको मृत्यु भएको छ भने घर भत्किँदा दक्षिणपूर्वी क्षेत्र याङ्जु र छेङयाङमा तीन जनाको मृत्यु भएको छ।

उत्तरी ख्याङसाङ प्रान्तको बोङ्वामा बिहान करिब ९ बजे पहिरोले घर भत्किँदा ६० वर्षकी एक महिलासहित दुई जनाको मृत्यु भएको छ । त्यसैगरी मध्य शहर छन्जुमा एउटा कार पहिरोमा परेर एक जनाको मृत्यु भएको छ ।
देशैभरी परेको अविरल बर्षाका कारण हजारौ परिवारहरुलाइ सुरक्षित स्थानमा सारिएको केन्द्रीय प्रकोप विभागले जनाएको छ l
भूमिगत सडक तथा रेल मार्गहरुमा पानी जमेका कारण देशका बिभिन्न स्थानहरुमा यातायात समेत अबरुद्व भएको छ भने कतिपय स्थानहरुमा बिधुत आपूर्ति समेत बन्द भएको बताएको छ l
भारी बर्षाका कारण देश भरमा रिपोर्ट गरिएको क्षतिको आकलन गर्दा हताहत बढ्न सक्ने सरकारी एजेन्सीहरूले बताएका छन l
कोरिया मौसम प्रशासनका अनुसार देशैभर भैरहेको भारी बर्षा अझै केहि दीन निरन्तर रहने छ l