अक्सिजन प्लान्टको लागि भक्तपुर समाज कोरियाको आर्थिक सहयोग

241

“अक्सिजनको अभावमा कोहि मर्न नपरोस ” भन्ने हेतुले भक्तपुर समाज दक्षिण कोरियाका अध्यक्ष रमेश गिरीको संयोजकत्वमा कोरियामा संकलित रकम रु १ लाख ५० हजार नेपालमा असार ७ गते एक कार्यकम गरि सहयोग हस्तान्तरण गरेका छन् l

भक्तपुर समाज दक्षिण कोरियाद्वारा संकलित रकम नेपालमा भक्तपुर समाजका संस्थापक तथा पुर्वअध्यक्ष रमेश खावाजुको संयोजकत्वमा सामुहिक रुपमा भक्तपुर नगरपालिकाका मेयर सुनिल प्रजापतिलाई हस्तान्तरण गरिएको छ l भक्तपुर समाजका सस्थापक तथा पुर्व पदाधिकारीहरुसितको छलफल कार्यक्रममा मेयर सुनिल प्रजापतिले सहयोगको लागि धन्यबाद दिंदै जनताको सहयोगमा निर्माण भएको यस अक्सिजन प्लान्टबाट उत्पादित अक्सिजन जनताहरुलाई नै निशुल्क रुपमा प्रदान गरेको बताए l सो हस्तान्तरण कार्यक्रममा भक्तपुर समाजका सल्लाहकार ओम सुवाल ,संस्थापक तथा पुर्वउपाध्यक्ष दिनेश राज गिरी , संस्थापक तथा पुर्वसचिब संजन जोन्छे ,मोहन श्रेष्ठ ,रोशन मैया सुवाल तथा राजु अवाल सहभागी भएका थिए l

कोरोनाको महामारीमा भक्तपुरमा बसोवास गरेका स्थानीय तथा बाहिरका नेपालीहरुमा अक्सिजनको अभावले कोहि मर्न नपरोस भन्ने हेतुले भक्तपुर नगरपालिकाले ख्वप अस्पतालमा अक्सिजन प्लान्टको स्थापना गरेका छन् l भक्तपुर नगरपालिकाको यस अभियानलाई देश ,विदेशबाट धेरै नेपालीहरुले सहयोग गरेका छन् l हाल उत्पादित अक्सिजन नगरपालिकाले निशुल्क रुपमा बिरामीहरुलाई प्रदान आइरहेको छ l

त्यसै गरि दक्षिण कोरियामा समाजसेवामा निकै सक्रिय भक्तपुर समाजका अध्यक्ष तथा यस रकम संकलनको संयोजक रमेश गिरीले यस अक्सिजन प्लान्ट निर्माणमा सहयोग गर्ने दक्षिण कोरियामा रहेका सहयोगदाताहरुलाई धन्यबाद ज्ञापन गर्दै ,कोरियामा दुख तथा बिरामी परेका नेपाली तथा भक्तपुर जिल्लाका साथीहरुलाई अनि नेपालमा आफ्नो जन्मभूमिमा बिपत तथा महाप्रलयको समयमा निरन्तर रुपमा सहयोग गर्ने बताए l

भक्तपुर समाज सन् २०१३ मा विभिन्न कार्यको सिलसिलामा भक्तपुर जिल्लाका दुख तथा बिरामी परेका साथीहरुलाई सहयोग गर्ने तथा विपति,महाप्रलयमा आफ्नो जम्न्मभुमी भक्तपुर जिल्लाका असहाय ,गरिबहरुलाई सहयोग गर्ने उदेश्यले स्थापना गरिएको हो l भक्तपुर समाजले सुरुदेखि विदेशमा नै नेपाली कला संस्कृति संरक्षण गर्ने उदेश्यले दशैं ,बिस्केटजात्रामा नेपाली परम्परागत तरिकाले सामुहिक रुपमा कार्यक्रम गर्दै मनाएका थिए l नेपालमा २०७२ सालमा आएको महाभूकम्पमा नेपालमा रहेका नेपालीहरुलाई सहयोग गर्न एनआरएन लाई टेन्ट सहयोग गरेका थिए l महाभूकम्प पछि भक्तपुरको विभिन्न बिद्यालयमा गएर करिब २५०० बिध्यार्थिहरुलाई कापी ,कलम तथा शैक्षिक सामाग्रीहरु वितरण गरेका थिए l त्यसै गरि भक्तपुरमा आर्थिक अभाबले उपचार गर्न कठिनाइ भोगिरहेका तिम्ल्याहा शिशुहरुको उपचारको दिनेश बनमालाको परिवारलाई कोरियाबाट रु १ लाख ३८ हजार संकलन गरेर सहयोग गरेका थिए । भक्तपुर समाजले सन् २०२० मा दक्षिण कोरियामा अध्यक्ष रमेश गिरीको संयोजकत्वमा ” Voice of Nepal ” बिजेता टोली कलाकारहरुलाइ दक्षिण कोरियामा बोलाएर ठुलो सांस्कृतिक कार्यक्रम ” Voice of Nepal 2 धमाका” को आयोजना गरेका थिए l

प्रतिक्रियाहरू